大家注意 : Samsung Galaxy S III 更新 4.1.2 Jelly Bean 後，有部份機嚴重 Hang 機

大家注意 : 

Samsung Galaxy S III 更新 4.1.2 Jelly Bean 後，有部份機嚴重 Hang 機，最後都要攞去 Samsung 維修中心降番去 Android 4.1.1 (JRO03C.I9300ZSDLK4) 版本 !!

而自由人就係其中一個受害者 !! 我剛剛先係朗豪坊 Samsung 服務中心攞番部機，職員賴話係 Google 既更新 4.1.2 Firmware 有問題，更叫我留意番 Samsung 香港網站既更新通知先好再做更新升級 !!

我話呢次我都係見到網站同 Facebook Fans Page 公佈咗幾日先去做更新升級 !! 你地知有問題就應該停止更新 !!

經 Samsung 降級回到 4.1.1 後，我終於可以用番 KIES 連接到 S3；但係 KIES 仍然搵到 4.1.2 既更新，大家小心 !!

維修經歷：
打返去問 3HK 話要帶買機上台合約去維修，去咗郎豪坊40/F,有專人問你什麼事再幫你㩒飛攞籌，攞了B字籌，要等11個，等了10分鐘到我，我同 Customer Services 講 S3 升了4.1.2 就出事 Hang 機，佢答話咁就要擺低比師父做 Full Check 唔可以兩個鐘內完成維修，問佢要幾耐，佢話之前幾個客都要等兩日先可以攞機(擺明知道升級 4.1.2 後會出事)；而 Samsung 係無機借比客用既服務！

我就23號下午二點幾放低部機到24號下午五點幾收到通知話可以攞機；趕住八點前去到攞機，今次係攞C字籌，又係等十幾個，等候時八掛聽到有兩個客都係整 S3 話 Hang 機，而到我攞機，CS 解釋話 Google 今次 4.1.2 更新有 Bug，部份 S3 機更新後 4.1.2 後會唔穩定或者 Hang 機，最後師父 Check 完機話我部機只可以暫時降番去 4.1.1，唔好再升級上 4.1.2，叫我留意番網上公布 !! (後記：落番 4.1.1 後我可以用駁番 Kies)

自由人既評語 :
如果有 Samsung 既職員睇到我既留言，請話比S3既用戶知，邊D S3 機係無事可以升級 4.1.2,同邊機係一定唔好升級更新等下次 bug fix 更新 ?

因為我部 S3 仍然不停提我要更新，開 Kies 都彈出來叫我更新 !

但你地明知升級會有問題而唔去暫定今次 4.1.2 既更新 ? 點解呢 ? 幾時先肯話比大家知實際既情況 ? 定係你死你事有先攞去維修 ？

連續幾次升級 4.0.4 > 4.1.1 > 4.1.2 都出事，Samsung 同 Android 都應該反省吓點解會咁 !!
次次都要 Factory Reset，之後重裝番d App，擺番好 Home Screen d 位，再抄番 d 相去手機 !!

作為一個曾經用咗幾年 iPhone 既資深用家，Apple 升級 iOS 邊會咁易出事同埋成日要 Factory Reset !! 而且 Apple 既 iTunes 真係可以 100% 將部 iPhone 電話還完 !!

自由人既體會 :
而且現今香港，無咗部智能電話 (iPhone/Android/Windows Phone) 用，立即同親人朋友失去聯絡，試問你記得幾多個親友電話/Email Address ? 咁你點通知 d 朋友你部電話壞咗 ?

而我今次體會最深係當無得用 Whatsapp 係會出事 !! 因為你無方法話比佢地知你收唔到佢地既 Whatsapp Message !!!!!!!!!!!!!!!!!!!!!!!!!!!!!!!

同埋好多重要野/相/記事都係 Whatsapp 既 Chat History (對話記錄) 裡面 !!!

而 Android 就比 iPhone 方便，只要將 Whatsapp Folder 抄開就可以留 Backup !!